السلام عليكم ورحمة الله وبركاته
اليوم يايب لكم طبق فرنسي شرق اوسطي لذييييذ
وأنشاء الله راح يعجبكم،،،بس لا تنسون اعزائي تقولون رايكم
والحين بخليكم مع الطبخة...
V
V
v
أول خطوه تييبون الصامولي العادي
قصيتهم لأربع اقسام مثل منتو شايفين
وبعدين نفرغها بس القاعده تخلونها وتصفونها في صينيه تدخل الفرن
مثل الصورة الموضحة
والحين تحشونها بهالحشوه:
3 قطع من صدور الدجاج
الصامولي كان اربع حبات بس قسمته لأربع قطع
جزرة متوسطه
بصله متوسطه وملعقتين مايونيز
فنيال شاي كريمة خفق
تحمسون البصل دقيقتين ومباشره تحطون الدجاج المسلوق المنتف
وحمسوهم شوي وحطوا الجزر وحمسوهم دقيقتين او أكثر وحطوا نص ماجي وبهاراتكم المفضله
والحين حطوا الكريمه وحركوا المقادير وغطيهم 5 دقائق
وطفوا وحطي المقادير في باديه واضيفيلها ملعقتين مايونيز
وراح تطلع بهالشكل:
والحين تحشين الكاسات الين تخلص الحشوه
وتحطين فوق كل وحده جبنه موزاريلا
(وممكن لو حبيتي نكهه أغنى تحطين كرافت شيدر) وتقدرون تضيفون اعزائي زبدة الثوم حسب الرغبة
وتصير بهالشكل:
والحين تدخلونها بالفرن يكون حار وتخلونها لين ما تذوب الجبنه بس مو اكثر
(التحمير مو مطلوب)
وتطلعلك بهالشكل
وطعمها بالمره لذيييييييييييذ وحلو وسريعه ترى
شكلها يفتح النفس
وبالعاااااااااااااااااااافيه وبالهنا والشفا
وهذي صوره ثانيه
انشاءالله عجبكم الطبق الشهي يمي يمي
لاتنسوووووووون دعوااااااااااتكم وتقيمااااااااااااااتكم الحلووووووووووووه
تحياتي :/
][ نبض الشوق ][
